தூதுவளை ரசம் செய்முறை விளக்கம் | மருத்துவ குணம் கொண்டது

தேவையான பொருட்கள்: 

• புளி - பெருநெல்லி அளவு
• தக்காளி பெரிது - 1
• துவரம் பருப்பு வேகவைத்தது - 1 கரண்டி
• துவரம் பருப்பு - 1 ஸ்பூன்
• தணியா - 3 ஸ்பூன்
• மிளகு - 2 ஸ்பூன்
• சீரகம் - 1 ஸ்பூன்
• பெருங்காயம் - சிறிது
• மிளகாய் - 2
• பூண்டு விருப்பமிருந்தால் - 4 பல்
• கருவேப்பிலை - சிறிது
• கொத்தமல்லி - சிறிது
• மஞ்சள் தூள் - சிறிது
• உப்பு - தேவைக்கு
• தூதுவளை இலை ஆய்ந்தது - 1 பிடி
• தாளிக்க 
• நல்லெண்ணை,கடுகு,பச்சை மிளகாய் -1

தயார் செய்யும் முறை: 

• முதலில் வாணலியில் துவரம் பருப்பு  1 ஸ்பூன்,தணியா,மிளகு,சீரகம்,மிளகாய் - 2,பூண்டு,தூதுவளை இலை எல்லாம் வறுத்து தக்காளியுடன் சேர்த்து அரைக்கவும். 

• புளியை  நீரில்  கரைத்து மஞ்சள் தூள்,பெருங்காயத்தூள் சேர்த்து கொதிக்கவிடவும்.

• கொதித்த பின் ரச மசாலாவை சேர்க்கவும். வேகவைத்தப் பருப்பை சேர்த்து, உப்பு சேர்க்கவும்.வாசனை வந்ததும் இறக்கி நல்லெண்ணையில் கடுகு,பச்சை மிளகாய் தாளித்துக் கொட்டவும். கருவேப்பிலை,கொத்தமல்லி சேர்த்து அலங்கரிக்கவும்.